Гапураев Хьасан — Нохчалла.com — Чечня, чеченцы, обычаи, традиции, история и многое другое
Биографии на чеченском языке

Гапураев Хьасан

 

 

Гапураев  Хьасан  Ризванович  вина  1950 –чу  шарахь  Аральск  г1алахь, нохчий  ц1ера  баьхна  болуш. Стихаш  яхъян  волавелла  7 – чу  классехь  дуьйна. Цу  шарахь  иза  школан  пенан  газетан  редактор  хаьржинера. И  юкъараллин  болх  итт  класс  яьккхина  валлац  д1а  а  баьхьира. Шен  хьалхарчу  белхан  мах  хаа  лууш, стихаш  «Орга»  журнале  яхьийтинера  Хьасана. Х1етахь  цигах  редактор  вара  нохчийн  вевзаш  волу  яздархо  Мамакаев  Мохьмад  Амаевич. Цо  яздархойн  союзе  кхайкхира  къоначу  авторе. Яндиев  Джамалдина  1амаяйтира  хьасанна  стихаш  язъаран  бакъенаш.

 1968 – чу  шарахь, ишкол  чекхъяьккхинчул  т1аьхьа, Мамакев  Мохьмада  кехат  а  яздина, Хьалха – Мартант1ера «Ленинская  правда» газете  хьажийра  Гапураев. Амма  иза  балха  Шеларчу  редакце  х1оьттира. Х1етахь  дуьйна  зорбанехь  къахьоьгуш  ву. Иза  автор  ву  Дидигов  Белухьаьжас(Дала  гечдойла  цунна!) д1аолуш  хиллачу  иллийн: «Эвтара», «Евзаш  йоцу  йо1», «Хьан  боху  со  хана  веъна», «Со  д1авоьду», «Хеда», кхидолчийн.

Хьасана  яздина  ду  Бетельгириев  Хьусайна, Димаев 1елас, «Ламанхо» ансамбло  д1аолу  иллеш: «Безаман  ткъес», «Цхьана  сарахь  сагатделча», «Белита». Юсупов  1азимца  цхьаьна  яздина  «Тховса – м  буьйса  хаза  еъна»  аьлла  долу  илли. Кхечу  авторша  а  даьхна  цуьнан  стихаш  т1ехь  иллеш.

Гапураевс  1992 – чу  шарахь  чекхъяьккхина  Нохчийн  Пачхьалкхан  университет. Дешна  кхечу  вузашкахь  а. Дукха  а  белхаш  бина  поэзехь,  прозехь. Нохчийн  маттахь  зорбане  кечдина  Къор1ан  а, таьпсир  а. Кхушарахь  Нохчийн  а, Дагестанан  а  книжни  издательствошкахь  араяха  кечъеш  ю  цуьнан  8  книга: роман, повесташ, стихийн  сборник. Хьасан – СССР  журналистийн  союзан  декъашхо  х1оьттина  1974 – чу  шарахь, 2000 –чу  шарахь  дуьйна  дуьненаюкъара  журналист, 1998 – чу  шарахь  д1аэцна  РФ – н  яздархойн  союзе.

Карарчу  хенахь  Гапураев  хьасан  болх  беш  ву «Вести  Республики»  газетан  коьртачу  редакторан  хьалхара  г1оьнча, «Северный  Кавказ», «Новое  дело»  газетийн  Нохчийчухула  леррина  волу  корреспондент. 

Оставить комментарий